Comunidade

Dinamizar a aldea é tecer confianza: encontros reais, cociña compartida e unha presenza coidadosa no territorio.

Que buscamos

Muimenta Viva traballa a dinamización social, gastronómica e de emprendemento. Os encontros son curtos, concretos e pensados para que a veciñanza e quen ven de fóra se coñezan nos espazos rehabilitados.

Formatos que se repiten

• MuiGastromenta — cociña comunitaria liderada pola veciñanza (máis info).
• Encontros de comunidade — visitas guiadas, vermús, obradoiros e pezas culturais de escala humana.
• Residencias — presenza temporal que activa espazos e deixa entregables no lugar (modelo).
• Xuntanzas e networking — encontros con programas e redes afíns (por exemplo Fixar ou o Polo de Emprendemento), sempre coordinados co equipo.

Neutralidade operativa

O proxecto mantén unha postura de neutralidade operativa fronte a disputas alleas ao convenio. Ante propostas ou compromisos inmediatos de terceiros, a fórmula acordada é:

«Consúltoo co equipo e dígovos.»

Isto protexe a confianza coa poboación local e evita que unha soa persoa comprometa ao conxunto (Sende, Anceu, persoa conectora e marco institucional).

Comunicación

• Canle diaria: WhatsApp do proxecto / contacto con Lucía.
• Documentación e seguimento interno: taboleiro de coordinación do equipo.
• Materiais públicos: incluir branding da Xunta / Consellería de Emprego cando o acto ou o cartel representen o proxecto.